【奪金功臣】 港隊「摩打腳」排花式跳繩 再難都要型

 In 跳繩新聞

【蘋果日報】香港跳繩代表隊今年在國際舞台大放異彩,7月瑞典「世界跳繩錦標賽」團體賽中,港隊包辦三甲。當鎂光燈落在零失誤衞冕個人賽總冠軍的何柱霆、打破外國壟斷奪得首面個人花式金牌的周永樂身上時,原來有位隊員一直默默耕耘,幕後為團隊排練多套奪金花式,把最型的動作留給隊友–他是今年20歲,外號摩打腳,個人30秒速度賽「世界第四」的劉浩男。

「我唔介意自己唔係主角,我將所有掌聲都當係自己嘅!」難得小伙子如此豁達。

劉浩男乃香港跳繩代表隊Hong Kong 01 的成員,跟何柱霆、周永樂是隊友,7年來合作無間,今年世錦賽中「4X45秒交互繩速度競賽」他亦有參予,合力創出世界記錄。跳繩隊凱旋而歸,排山倒海的訪問、表演,焦點都在這兩位「超級巨星」。

9月時,隊員於昂坪市集表演,何柱霆完場一套高難度翻滾彈跳動作,獲得全場歡呼喝彩,負責設計及排練的「導演」浩男參予其中毫不起眼,其實他亦曾是「世界第一」, 毫不輸蝕,2014年30秒速度賽世界第一,創出30秒單腳跳到103.5下佳績,今年排第四。跳繩隊總教練總教練鄭淦元指不但腳跳得快,難得手亦能配合。

浩男近兩年專為團隊排練約30套花式,用作表演及比賽,今年世錦賽奪金的「3人交互繩」亦出自他手。7年默契,熟知隊友優點「何柱霆、周永樂體操動作做得好,我就係速度取勝,所有空翻,最難嘅都畀佢哋做。」

3歲習跆拳道,8歲接觸花式跳繩,10歲成為跆拳黑帶,浩男最終棄拳跳繩,浩男是家中獨子,但童年不寂寞,只因隊友已成兄弟,跟周永樂感情最篤,練習以外相約打機,賽場上更是默契十足,記者要求二人即席示範雙人花式跳繩,只見二人低聲商討,「一、二,交叉?唔好一、二,走!」數分鐘後,跳出一套功架十足的招式。

「唔跳繩嘅話,我完全唔起眼。」自信皆從跳繩而來,台下的浩男嬉皮笑臉,當站在台上,手執繩子,「好型囉,套花式再難都要型,哈哈!」何柱霆說畢,3位大男孩哈哈大笑,「係呀!設計時,我唔會理佢哋感受,因為佢哋實做到!」浩男說畢,何柱霆即報以一記白眼,周永樂隨即搭話,「佢真係幾有創意,一直以來,排練有咩問題,大家都會直接講,唔會收埋!有冇見過佢喊?比賽完咗嗰陣囉!」

浩男的跳繩路並非一帆風順,2013年為考DSE減少練習,之後到匈牙利交流一年疏於練習,2014年回港水準大不如前,「我唔想累咗佢哋,不如我唔好跳!其實我忽略咗,我啲隊友都好勁,係可以互補!」同行13年的總教練鄭淦元指,浩男為完美主義者,「2010年,佢喺場比賽入面表演失準,結果完咗自己匿埋一邊喊。」
近年的浩男,找到自己的最佳位置,專注做導演度高難度動作,平日會向日本選手偷師,只為令跳繩隊更上一層樓。

Recent Posts
0